بعد غياااااااااااب طويل عن التدوين
والاكتفاء بالمتابعه
حسيت ان محتاج اكتب
ممكن يكون فعلا محدش متابع مدونتي بشكل كبير
بس انا هكتب لان محتاج اكتب
وبكتب رساله لمنتخب مصر وللجمهور المصري
بعد فوز مصر الصعب اوي اوي على زامبيا بهدف واحد
وفوز الجزائر على رواندا 3-1
في امل ان احنا نصعد كاس العالم
وامل كبير
بس احنا محتاجين حاجات كتير
ومطلوبه من الفريق المصري
والجمهور المصري
اولا عاوزين فترة اعداد كويسه اوي وتبقى طويله قبل مواجهة 14/11
يؤدي فيها المنتخب ماتشين حلوين يفيدوا المنتخب
حتى لو ملقناش فرق نبقى نلعب مع اندية الدوري المصري
المعالجه النفسيه للاعيبه منتخب مصر
علشان منجيش بعد كده نقول الضغط العصبي والنفسي
مهمة حسن شحاته وشوقي غريب في تحفيظ اللاعيبه بعض الجمل التكتيكيه والفنيه
وان احنا نلعب ضاغطين طول الماتش على الجزائر
ونلعب بسرعه ونبقى قريبين من بعض
الاستفاده من الكرات الثابته والركنيات
لان اكيد منتخب الجزائر هيبقى ببلعب دفااع بحت وهيعتمد على الهجمه المرتده
محاوله اصلاح اخطاء المدافعين وتحفيظهم واجباتهم داخل الملعب
وربنا يوفق المنتخب المصري في الفوز على الجزائر 3-0 علشان مندخلش في حسابات ماتش فاصل
اما بالنسبه للجماهير
محتاجين يوم 14/11
جماهير رجاااااااااله بمعنى الكلمه
مش عاوزين نشوف فرافير في المدرجات
واحد وواحده بيحبوا في بعض
مش عاوزين العائلات
مش عاوزين بنات
احنا عاوزين رجاله تشجع من اول دقيقه لاخر دقيقه في الماتش
مش نروح قبل الماتش ب 4 ساعات والشمس تاكل دماغنا
ولما يبدا الماتش نقعد وناكل
يارب النصر لمصر
