قنوات كتيره اوي ظهرت في الايام اللي فاتوا دول
وكلها قنوات فاضيه وكلها هلس
قنوات الاغاني
اللي بتقدم اغاني هابطه وهايفه
وبطلع كل يوم مطرب شكل
لا صوت ولا كلام
كله بيعتمد على الاغراء والرقص
علشان يحقق نجاح
ولجذب الجمهور
اللي بيحب الهيافه
وقنوات الافلام
اللي كترت دلوقت
وكله بيتسابق في عرض الافلام
ويقلك هذا الفيلم حصرياااااااا
مع انه اتعرض مليون مره قبل كده
ولا قنوات اللي بتقدم المسابقات
ياسلام على المسابقات
وسهوله المسابقات
وجوايز المسابقات
وبيجيبوا بنات كلامنجيه
طول المسابقه شغاله كلام ومش بتبطل
وبرده في ناس بتصدق
وبتتصل
ولا بتبعت رسايل
على امل انهم يفوزوا
انا مبقتش احب اتفرج على التي في
كل ما اجيب قناه
الاقي غنا ورقص
وقلة ادب
الواحد يخجل ان يشوف الحاجات دي
او حتى يشوفها مع اهله
والمشكله
ان الكبار والصغيريين
كلهم بيتفرجوا
وتلاقي البنت الصغيره
بعد ماتتفرج على الكليب
تلاقي الفن بدا يظهر عليها
والمواهب بدات تبان
وتقلها بتحبي مين ياعسل؟؟
بحب هيفاء وهبي ودانا
وللاسف
الضحيه فعلا هما الاطفال
اللي بتتم تربيتهم تربيه خطا
وفاكرين ان ده انفتاح وحريه
والنتيجه ايه
شباب كل احلامه واماله
حاجات تافهه وهايفه
2 comments:
انا جاية أقول لك يا محمد خيانة
عملت بلوج جديد من غيرنا
ماشي
بس حلو الموضوع وحلو أوي البلوج
وجميلة موضواعاته وهادفة
وجاية اعزمك على الجديد عندى بعد ما حجزت كرسي أول
.....................
ريال لف
انتي بس غبتي الفتره اللي فاتت يا ريل لاف
فمعرفتش اكلمك
ولا حتى نتفق
بس انتي اكيد هتبقى معايا في المدونه
ووجودك معايا مهم جدااااااااا
mrgkiller2020
Post a Comment