حملة حمايه

ادينا في ادين بعض

لمساندة حملة حمايه

وعلشان ننقذ شبابنا

من المخدرات

لمزيد من المعلومات

يرجى زياره موقع

الاستاذ عمرو خالد

www.amrkhaled.net

مبروك لمصر

الف مبروك لمصر
فعلا المنتخب حاجه تفرح والله
اللاعيبه كانت رجاله والله
حسن شحاته وشوقي غريب
هما فعلا الابطال اللي صنعت الانجاز الجميل ده
وحققت انجاز اسعدت بيه شعب مصر والوطن العربي كله

هدية اطفال فلسطين لابو تريكه

الواوا آبا

الواو آبا

اسم مخيف جدااااا

بتخاف منه حراس مرمى كاس الامم الافريقيه

اجوان كتيره جت في الدوره دي

كره خفيفه

وسريعه جداااا

وكلنا شفنا الجونين اللي جم في الحضري

اول حاجه ضربة الجزاء اللي عدت من بين ايد الحضري

والجون التاني اللي جابته انجولا

من على مسافه كبيره

وعدت من فوق الحضري

وكانت اسرع فعلا من الحضري

والكوره فعلا بقيت عدوة الحراس

الاسم مستوحي من اسم شجرة تزرع في الغابات الغانية، ويرمز بهذا الاسم للشخصية القوية والقاسية، ويقال إنها تلهم الفرد علي المثابرة خلال الصعاب

ونشرت صحيفة «تايمز» الإنجليزية تقريراً أشارت فيه إلي أن الكرة الجديدة تصب في مصلحة المهاجمين وتجعلهم أكثر قدرة علي إحراز الأهداف، ولكنها نقمة علي حراس المرمي التي تجعلهم يظهرون بشكل سييء بسبب الكم الكبير من الأهداف الذي تتسبب فيه، لاحتوائها علي تكنولوجيا حديثة تعتمد علي التخزين الحراري، فعند تسديد اللاعب للكرة تختزن طاقة بداخلها وكلما اقتربت من الحارس زادت سرعتها، مما يجعلها تسبب الكثير من المشاكل للحراس خلال البطولة

وهنا بعض التصريحات لبعض المدربين

لاعب وسط منتخب جنوب أفريقيا الذي ودع البطولة من الدور الأول: «أعجبت كثيراً بالكرة، خاصة عندما ساعدتني علي تسجيل هدف في مرمي أنجولا من مسافة ٢٥ متراً بعيداً عن المرمي، فعندما تستخدمها في الحالة الهجومية تكون رائعة لأنها تسير بسرعة كبيرة، ولا أري أنها سيئة لأن المتعة في كرة القدم هي إحراز الأهداف، والكرة تساعد علي ذلك

هانز فونك مدرب حراس المرمي لمنتخب «الأولاد» -لقب جنوب أفريقيا- علي مصنعي الكرة الجديدة، ووصفها بعدوة الحراس، حيث قال: «لا أعتقد أنه شيء ممتع أن تتعمد الكرة خداع الحارس، فهي من الممكن أن تغير اتجاهها في الهواء، ويجب أن يكون لدي الحارس رد فعل عال تجاه الكرة، وأعتقد أن لها دوراً في خروجنا من البطولة

مونيب جوزفيمي الحارس الثاني لمنتخب «الأولاد» في الرأي، قائلاً: «إنها مرعبة لجميع الحراس نظراً لحركتها السريعة، فمن الممكن أن تتحرك لها وتجدها تذهب إلي جانب آخر دون تدخل من أحد، فهي تغير وجهتها بسرعة، وأنا ألوم الكرة علي الكثير من الأهداف التي دخلت مرمانا ولعبت دوراً مهماً في خروجنا المبكر من البطولة، وأتمني ألا يتكرر هذا الكابوس في البطولات المقبلة التابعة للاتحاد الأفريقي، خاصة بطولتي دوري الأبطال وكأس الاتحاد، لأنها ستسبب لنا الكثير من المشاكل

وتلقى الاتحاد الأفريقي لكرة القدم (كاف) كمّاً هائلاً من الطلبات من قبل عدد كبير من المشجعين حول العالم لشراء الكرة الرسمية لبطولة كأس الأمم الأفريقية السادسة والعشرين 2008 المقامة حالياً في غانا

وينتظر أن تطرح "واوا آبا" للبيع في الأسواق ربيع هذا العام بسعر يقدر بنحو 130 يورو

نحو 192 دولاراً أمريكياً

اشتباكات بين قوات الأمن المصرية وفلسطينيين حاولوا اقتحام الحدود

أعلنت مصادر طبية إصابة نحو ٣٨ من قوات الشرطة المصرية إثر اشتباكات وقعت مساء أمس مع الفلسطينيين خلال محاولة جديدة لاختراق الحدود المصرية عند معبر رفح
وأوضحت المصادر أن شرطيين أصيبا بالرصاص في تبادل لإطلاق النار مع مسلحين فلسطينيين ملثمين حاولوا اقتحام المعبر، لكن الأمن المصري تصدي لهم
وأضافت أنه تم نقل ٣٦ مصاباً آخرين من قوات الشرطة وحرس الحدود إلي مستشفي رفح المركزي نتيجة قذفهم بالحجارة من قبل فلسطينيين علي الحدود بين مصر وغزة، بينما أطلقت قوات الأمن المصرية القنابل المسيلة للدموع لمنع المجموعات المتدفقة من الدخول إلي مصر
وعلي الجانب الآخر أعلن معاوية حسنين مدير عام الإسعاف والطوارئ في غزة عن مقتل فلسطيني برصاص القوات المصرية، وإصابة ١٤ آخرين نتيجة استنشاق الغاز خلال المواجهات.
وفي السياق نفسه، قامت الشرطة المصرية أمس، بمطاردة الفلسطينيين في شوارع العريش بعد إغلاق معبر رفح بين مصر وقطاع غزة، ونقلت وكالة الأنباء الألمانية عن مصدر أمني قوله: «إن مدينة العريش شهدت أمس مطاردات وتمشيطاً للشوارع الرئيسية والفرعية، ومداهمة البيوت والمنازل داخل العريش، بحثا عن فلسطينيين»، مشيراً إلي أن الشرطة المصرية تقوم بتفتيش البيوت، مع التنبيه علي أصحاب المنازل والفنادق بعدم استضافة أي فلسطيني
من جهة أخري، تعهد وزير الدفاع الإسرائيلي إيهود باراك خلال لقائه مع عمدة مدينة ديمونة الإسرائيلية ببناء جدار أمني بمحاذاة الحدود مع مصر بحلول عام ٢٠١٠ وذلك في أعقاب التفجير الذي وقع في ديمونة أمس

الخبر ده من جريده المصري اليوم

ابدا انا بقى تعليقي على الكلام ده

انا مع القضيه الفلسطينيه

ونفسي فلسطين كلها ترجع لاهلها

لكن بالطريقه دي

مش هينفع

حماس وفتح

مش متفقين مع بعض

وبيضربوا بعض بالنار

بدل مايتحدوا ويضربوا عدوهم

بيقتلوا بعض

الرئيس الفلسطيني بيستنكر

اعتداءات حماس على اسرائيل

ولما الفلسطنيين بينضربوا من الاحتلال

مش بنسمع ايهود اولمرت بيستنكر الاعتدائات دي

المشكله اللي بتحصل في المعبر بين مصر وغزه

ان الفلسطنيين بيضربوا النار في الشرطه المصريه

مش ده غلط

انهم يفجروا المعبر علشان يدخلوا

مش ده برده غلط

طب ليه الفلسطنيين ميعملوش كده ويفجروا الجدار العازل اللي بتعملوا اسرائيل

ليه ميضربوش جنود الاحتلال

بدل مايضربوا الشرطه المصريه

اتمنى ان نشوف حاجه صح بتحصل

منشفش حاجات متدخلش العقل

اتمنى انه يحصل تنسيق

بين الاداره المصريه والفلسطينيه في حكايه العبور دي

بدل ما في ارواح بتموت

واتمنى ان قيادات فلسطين وشعبها

كلهم يتحدوا ضد عدوهم

وان الشعوب العربيه كلها تقف معاهم

علشان حقهم يرجعلهم

واشنطن: احتمال سقوط قمر تجسس أمريكي علي الأرض في فبراير أو مارس

أعلن مسؤول حكومي أمريكي أن قمرًا صناعيًا للاستخبارات الأمريكية فقد طاقته، وقد يسقط علي الأرض في وقت ما في فبراير أو مارس المقبلين

وأضاف المسؤول، الذي طلب عدم نشر اسمه، أنه لم يعد من الممكن السيطرة علي قمر التجسس ولا يعرف المكان الذي قد يسقط فيه علي الأرض، فيما أكد المتحدث باسم مجلس الأمن القومي الأمريكي جوردون جوندروي أن الوكالات الحكومية المختصة والبيت الأبيض تراقب الوضع

وأوضح جوندروي أن العديد من الأقمار الصناعية خرجت من مدار الأرض، وسقطت دون أن تسبب أذي علي مدار السنين، ونحن ندرس الخيارات المحتملة للحد من أي أضرار محتملة قد يسببها هذا القمر الصناعي

يذكر أن أضخم هبوط دون سيطرة لمركبة تابعة لوكالة الفضاء الأمريكية «ناسا» كان حادث «سكاي لاب»، وهي محطة الفضاء المهملة، البالغ وزنها ٧٨ طنا، والتي هوت من الفضاء عام ١٩٧٩ ، وسقط حطام المحطة في المحيط الهندي غرب أستراليا دون خسائر أو أضرار

حوار صحفي علي السريع.. مع بوش

بأحبه جداً «الرئيس بوش».. ذكي جداً.. لماح.. عباراته بليغة.. علمه واسع الصراحة.. راجل ميه ميه.. عشان كده قررت أخطف رجلي وأحاول أقابله وأعمل معاه حديث صحفي علي السريع، وسيكون انفرداً صحيفاً.. واجهتني مشكلة وهي أني ما أحبش أروح إسرائيل عشان شعبان عبدالرحيم مايزعلش.. هداني تفكيري أني أكيد هاأضمن أقابله في القدس لأنه رئيس مؤمن وبيصلي كل يوم الصبح في المكتب البيضاوي.. يبقي أروح القدس ولو حد من إياهم سألني هاستعبط وأهتف بأعلي صوت «القدس عربية» ولو فيه حد جدع يكذبني.

توكلت علي الله وأخذت ميني باص العباسية - بيت لحم، ونزلت في محطة كنيسة المهد، لقيته يا دوب طالع بعد الصلاة، وصراحة وشه كان منور من كتر الإيمان، لبدت له ورا السور وطلعت فجأة، وقبل ما يتخض قلت له.

أنا: مش فاكرني يا بيشو؟

بوش: أنا فاكر بيشو لكن انتي مين؟ آه افتكرت انتي عملت معايا حديث في واشنطن قبل كده.. أظن كنتي مراسلة لجريدة مناخير

أنا: جريدة «عين» يا أفندم ما شاء الله عليك وعلي دماغك.. أنا دلوقتي مراسلة جريدة المصري اليوم

بوش: عارفها.. يبقي إنتي من الصومال.

أنا: لأ، يعني قصدي هو حضرتك تدي ضهرك للصومال وتطلع علي طول تاني ناحية يمين أو شمال.. اسمها مصر.. والجورنال المصري سهلة

بوش: مصر، مضبوط دي جنب قبرص علي طول.

أنا: هامشيها قبرص يا عسل مش فارقة ممكن كلمتين علي السريع

بوش: بس بسرعة عشان عندي قعدة مهمة مع أبومازن.. عاوز أقرص ودانه وأوصيه علي أولمرت «سديكي» لأنه بيضايقه كتير وأولمرت اشتكي لي وانتي عارفه اللي يقرب لأولمرت أقوم له حرب عالمية تالتة.. أنا صعب قوي

أنا: حلو السؤال ده.. مين يا أفندم من دول العالم تتوقع أنه يتحالف مع أمريكا في حرب عالمية ثالثة عشان خاطر عيون أولمرت؟

بوش: اللي هايدفع اشتراك يدخل معانا علي طول، وعموماً أمريكا هاتشن حرب عالمية شاملة لوحدها.. والباقيين يسقفوا ويتفرجوا

أنا: تمام يا أفندم.. العالم كله بيسقف ويدفع ويتفرج، تجنن يا سيادة الرئيس.. إيه إحساسك وانت في إسرائيل؟

بوش: إحساس غريب قبل النهارده ماجربتوش.. أصل إسرائيل وطن الشعب اليهودي الغالي

أنا: مش شايف حضرتك إن حكاية وطن يهودي دي بترجع الحضارة للخلف آلاف السنين، لأن معني كده إن المسيحيين يعملوا وطن لوحدهم والمسلمين يعملوا وطن لوحدهم، والتلاتة ياكلوا في بعض وتنتهي من العالم الأعراق والأجناس والثقافة والحضارة والأوطان والانتماء، ويتحول العالم لتكتلات دينية متطرفة أكتر من كده

بوش: لأ طبعاً.. ده مش ممكن يحصل.. مين اللي قال إنه من حق المسيحيين ولا المسلمين يعملوا وطن لوحدهم؟ اليهود بس اللي ليهم وطن لوحدهم، لكن الباقيين مش لوحدهم إحنا معاهم في كل وطن وبلد خطوة بخطوة

أنا: أهلاً وسهلاً بكم في كل مكان.. متي تخرج أمريكا من العراق؟

بوش: عندما تتحول الديمقراطية العراقية الحية إلي نموذج لباقي شعوب المنطقة

أنا: متي تتحول إلي نموذج مشرف أكتر من كده؟

بوش: لما تستوي.. لسه فاضل لها غلوة.

أنا: غلوة إيه يا أفندم، دي ديمقراطية العراق لسعت وشاطت وطلعت دخان وكمان إحنا عندنا نماذج كتير.. كل كتب المدارس نماذج

بوش: لأ.. لأ.. معلهش.. النموذج ده إجباري مش اختياري

أنا: «يا دي النيلة».. ماشي يا عسل.. ما هي الخطوة القادمة بعد «أنا مليش» سوري.. «أنا ما أفتيش» سوري قصدي «أنا بوليس» يا أفندم

بوش: أنا بوليس شغالة تمام.. ولو مانفعتش أنا هأدعو لإنهاء الاحتلال من الأراضي الفلسطينية عشان كده لازم كل الشعوب التايلاندية

أنا: العربية يا أفندم

بوش: سوري العربية تتوجه للخيار الصعب

أنا: والبلدي ماله يا أفندم ده جنابك لو كنت بدرت شهرين كنت أكلت عندنا خيار بلدي إيه.. يستاهل بقك.. هو صحيح خلص لكن فيه خيار صعب مالي الدنيا.. ليه «الخيار الصعب» بالتحديد؟

بوش: ده نوع مختلف ولابد من استعمال الخيار الصعب لأن إيران مضايقاني وعاوز ألحق أقلبها ديمقراطية بسرعة قبل ما أمشي من البيت الأبيض

أنا: وإيه دخل الخيار، يا أفندم في موضوع إيران؟

بوش: الخيار هايكون من نصيب أي دولة ترفض تأييد الديمقراطية في إيران وأنا بأحذر الخيار هايكون صعب جداً

أنا: تفتكر يا أفندم الرئيس الأمريكي القادم هايستعمل الخيار الصعب مع دول المنطقة برضه يا أفندم؟

بوش: طبعاً الخيار يشكل عاملاً أساسياً في الاقتصاد الأمريكي وإحنا الوكيل الوحيد للخيار في العالم الديمقراطي النموذجي الحر المنتعش ومهمتنا إننا نملأ المنطقة خيار

أنا: لكن يا أفندم الخيار مالي الدنيا وباتنين جنيه بس

بوش: بس مش خيار صعب.. إحنا خيارنا حاجة تانية.. باي.. باي

أنا: جااااي

بقلم لميس جابر ١٢/١/٢٠٠٨

نقلا عن جريدة المصري اليوم

توتاااااااااااااا

صور عاجباني

انا بعشق التصوير اوي اوي

وقلت اجيب شوية صور

صورتها

يارب تعجبكم

شكرا لمين ؟؟ وغلطه وندمان عليها لمين؟؟

تحب تقول كلمة شكرا لمين؟؟

في ناس كتيره صادفناها في حياتنا

وعشنا معاها

وشفنا الحلو والوحش معاهم

واللي وقف جنبك واللي باعك

تحب تقول لمين شكرا

وتقول لمين غلطه وندمان عليها

أبو تريكة يتنافس مع أبرز لاعبي العالم علي لقب الأكثر شعبيه

ضمت القائمة التي كشف النقاب عنها الإتحاد الدولي لتأريخ وإحصاء كرة القدم والخاصة بأشهر لاعبي الكرة في العالم إسم اللاعب

الكبير محمد أبو تريكة نجم النادي الأهلي والمنتخب المصري جنبا لجنب مع كبار لاعبي كرة القدم حيث يتم التصويت حاليا عبر زوار الموقع الرسمي للمعهد لإختيار اللاعب الأشهر عالمي

وضمت القائمة خمسة لاعبين عرب فبالإضافة لأبو تريكة جاء أمين الشرميطي نجم تونس وفريق النجم الساحلي وكذلك يونس محمود قائد منتخب العراق والغرافة القطري وإسماعيل مطر نجم الإمارات وفريق الوحدة الإماراتي وياسر القحطاني نجم السعودية وفريق الهلال السعودي .

وضمت القائمة عددا من أبرز لاعبي العالم مثل : كاكا وكرستيانو رونالدو وتييري هنري ورونالدينيو ورونالدو ورووني وتوتي وليونيل ميسي وستيفين جيرارد وبيرت تشك وبوفون وغيرهم من النجوم الكبار

وبإمكانك الأن أن تصوت عبر الرابط التالي :
ابــــــوتـــــريـــــــــــكه

play su do ku

لا..لن لأسامح

تنامى إلى مسامعي
صوته الهادئ
يسائلني
أتسامــحــين ؟؟
لم أجب
ألجمتني حيرتي
أأسامحـــه ؟؟
طالت بي الدقائق
لم أجد لدي
ما أجاوبه به
فعاودني
أتســامحـــين ؟؟
نبرته الحزينة
أيقظت إحساسي الصادق بحبه
انفرجت شفتاي للبوح عما بداخلي
فأخرستها عبراتي المريرة
أأسامـــحـــه ؟؟
كيف لي ذلك ؟
كيف له أن يسأل ؟؟
لم أسامحه ؟؟؟
ألأني أحبه ؟
سحقا لهذا الحب
حبيبي
لن تطأ قدمك مملكة حبي ثانية
قد كنت ملكا..متوجا على عرش قلبي
لكنك.....لم تعد
يعاودني...كأنه لا يسمعني
أتسامــحــين ؟؟
حبيبي
سامحني أنت
فجرحك...أقوى من حبي
لم يكن قلبي ملكا لي..حينما أحببتك
و لم يغدو كذلك..حينما قسوت عليك
أ تسـ ا محـ يـــن ؟
خفت صوت محبوبي
اختنقت بداخلي الكلمات
ذبحتني قسوتي
سالت دموعي...حنقا مني
أ تـــــ ســـ ا مـحـ
استيقظت من نومي
دامعة العينين
حزينة النفس
لازال صوته يراودني
يسائلني
أتسـامحــين ؟؟
و لازلت أنا أحلم
بأن أسامح
حبيبي
أستميحك عذرا
فأنا.....لن أسامح

لا.......لن أسامح
منى المحمودي

تلفزيون مقرف

قنوات كتيره اوي ظهرت في الايام اللي فاتوا دول

وكلها قنوات فاضيه وكلها هلس

قنوات الاغاني

اللي بتقدم اغاني هابطه وهايفه

وبطلع كل يوم مطرب شكل

لا صوت ولا كلام

كله بيعتمد على الاغراء والرقص

علشان يحقق نجاح

ولجذب الجمهور

اللي بيحب الهيافه

وقنوات الافلام

اللي كترت دلوقت

وكله بيتسابق في عرض الافلام

ويقلك هذا الفيلم حصرياااااااا

مع انه اتعرض مليون مره قبل كده

ولا قنوات اللي بتقدم المسابقات

ياسلام على المسابقات

وسهوله المسابقات

وجوايز المسابقات

وبيجيبوا بنات كلامنجيه

طول المسابقه شغاله كلام ومش بتبطل

وبرده في ناس بتصدق

وبتتصل

ولا بتبعت رسايل

على امل انهم يفوزوا

انا مبقتش احب اتفرج على التي في

كل ما اجيب قناه

الاقي غنا ورقص

وقلة ادب

الواحد يخجل ان يشوف الحاجات دي

او حتى يشوفها مع اهله

والمشكله

ان الكبار والصغيريين

كلهم بيتفرجوا

وتلاقي البنت الصغيره

بعد ماتتفرج على الكليب

تلاقي الفن بدا يظهر عليها

والمواهب بدات تبان

وتقلها بتحبي مين ياعسل؟؟

بحب هيفاء وهبي ودانا

وللاسف

الضحيه فعلا هما الاطفال

اللي بتتم تربيتهم تربيه خطا

وفاكرين ان ده انفتاح وحريه

والنتيجه ايه

شباب كل احلامه واماله

حاجات تافهه وهايفه

سلوك غير رياضي

خلص ماتش الاهلي والزمالك

بفوز الاهلي

لكن مخلصتش المشاكل

سلوك غير رياضي

من لاعب الزمالك

شيكابالا

رفع الحذاء في وجه جمهور الاهلي

لاعب صاحب لعب جميل ومهارات

بتمتع الجماهير معاه

والناس كلها بتحبه

بعد المنظر ده

اكيد هيقل حب الناس ليه

اتمنى بجد ان المنظر ده ميتكررش تاني

من شيكابالا

!!!!!!!

فلسطين في القلب

كفايه تدخين بقى

كفايه تدخين

زهقت اوي من الكلمتين دول

كل ما اشوف واحد من اصحابي بيدخن

اقله الكلمتين دول

وكان الناس كلها متفقه عليا

انهم يدخنوا ادامي

مش عارف بيغيظوني

ولا عاوزين يموتوني معاهم

اول ما اقلهم الكلمتين دول

واحد يقلي

ياعم لما اخلص الكليه

واحد تاني

ياعم لما اخلص الامتحانات

واحد تالت

يقول لما اتجوز

اسالهم

طب هي بتريحكم يعني؟؟

مستفيد منها ايه؟؟

يقلي

من القرف اللي الواحد شايفه

فبنطلع همنا في السيجاره

ولو مشربتش السيجاره

اتعب

ومزاجي ميبقاش مظبوط

وللاسف

يقرفني انا

ويعذبني معاه

ما هو تدخين سلبي

زي ما بيقولوا

وياسلام بقى

لما اروح بيتنا

ادخل على اهلي في البيت

ويشموا ريحة السجاير

وتبدا بقى مشكله

كل يوم

انت بتدخن

اقلهم والله

مابدخن

دول اصحابي اللي بيدخنوا

لغاية امتى الناس

مش هتبقى عارفه مصلحتها

وتعرف ان اللي بيعملوه ده غلط

ويفضلوا في غلطهم ده

لغايه ماتيجي بقى المصيبه

ويتعب لاقدر الله

تقليد اعمى

في مشكله

في اخر كام سنه

لقينا المطربين بقيوا يقلدوا الغرب

في كل حاجه

طريقه اللبس

والالحان

وكلمات الاغاني

والبوسترات كمان
بقيت السرقه عيني عينك

مش بيتكسفوا من نفسهم الناس دي

طب قلنا اليسا وبقيت جامده في التقليد

حتى عمرو دياب كمان

بيقلد انريكي